السلام عليكم و رحمة الله

أول شي و قبل لا أبدأ موضوعي

أحب أبارك لكم جميعاً قدوم شهر رمضان المبارك أعاننا الله على صيامه و قيامه .:o


أخواني أعضاء المنتدى , السبب الرئيسي الي خلاني أكتب الموضوع

هي المواضيع الي نزلت في المنتدى في نهاية الترم الماضي , عن نظام الكليه الجديد و عن الإختبارات

كان فيها نقد كبير للإداره الجديده أو بالأخص الدكتور دبروم 0171

الأسبوع الماضي أنا التقيت بمدير الكلية في مكتبة و بصراحة كنت متخوف من اللقاء بسبب الكلام الي نسمعه عنو


لكن من خلال الحديث معه أكتشفت إننا ظلمناه ,

صراحة يا ناس الي ما يعرف هاذا الشخص يجهله ,


أنا عن نفسي كنت طالب في جامعه تانيه , و كانت فكرة إني أقابل مدير الجامعه و أقعد معاه شبه مستحيله

تحسب وزير مو مدير جامعه ,,,:(

لكن هنا مرا عادي , كل الي تسويه إنك تروح للإداره و تطلب من السكرتير إنك تدخل للمدير , و خمس دقايق و إنت عنده

و بصراحه لقيت إنه إنسان زي ما يقولو " يدخل القلب بسرعه ":D


أنا رحت أكلمه عن موضوع التكييف في السكن dunno

بدأنا نتناقش في موضوع إدارة الصيانه و كيف إنهم مهملين السكن

و قلتله إننا نحنا نعاني من المكيفات لينا دحين أكثر من شهرين على مكيفات مرا سيئه . و زي منتو شايفين الجو ماا يحتاج أبداً:mad:

و وضحلي إنو إدارة الصيانه دحين مهي تابعه للكليه , هي الآن تابعه لإدارة الهيئه الملكيه

و إذا كانت فيه أي مشاكل بخصوص الصيانه , نروح للهيئة الملكيه و نراجع

حتى إنو مبنى الإداره الين قبل اسبوعين كان التكييف معطل فيه , و الكليه ما قدرة تسوي شي , الين ما اتحل الموضوع عن طريق الهيئه الملكيه

فأنا أقول يالي زعلانين من المكيفات و الصيانه :confused: , راجعو ادارة الهيئة الملكيه لأنو المشكله من عندهم slly


و من الأشياء الي عجبتني في الدكتور

هي إنو يسمع من الطالب الشي الكثير :rolleyes:

فيسألنا إيش واجهتو مشاكل في الكليه و إيش رأيكم في نظام التدريس هنا و إيش عندكم إقتراحات

وقتها ما جا في بالي إلا قسم اللغه الإنقليزيه , و إنو الكثير من المدرسين مستواهم مو مرا

و أغلبهم عرب , فيكون الكلاس كلو بالعربي :confused:

قال قسم اللغه الإنقليزيه سلم كل المدرسين لابتوبات سوني و حط في كل الكلاسات أجهزه صوتيه و مرئيه biggthumpup

عشان يكون الدرس تفاعلي أكثر و يوصل للطالب بشكل أسهل

و هذي أنا أعتبرها بشاره لطلاب السنه التحضيريه bye1



و الموضوع الأهم الي وضحلي هوا applaudit

قلي أن الطلاب مشكلتهم ما يبلغو الإداره بأي مشكله تواجههم , Looking_anim2

ولا يكتبو معاريض للمدير بأي شي يحتاجوه , أو على الأقل إننا نكتب في منتدى الكليه , و هدا شي جميل إن الإداره مطلعه على المنتدىbrows1

و يقول المشكل الحاصله أن الطالب يجلس ساكت طول ماهو في الكليه , و ما يتشكي إلا إذا انطرد منها schmoll

و هو صادق في هادي النقطه و راني المعاريض الي قدامه كلها من طلاب أنفصلو من الكليه و بعدين يبدأو يكتبو schmoll


و من الأشياء الي قالها و عجبتني

إنو الكليه بكل موظف فيها موجوده لخدمة الطالب و لمصلحته على العموم

فإذا الطالب شاف شي غلط و ما أتكلم أو أشتكى كيف رح ياخد حقه 0041

صراحه الجلسه كانت ممتعه معاه

و فيها كلام مرا كتير لاكن هاذا الي أفتكره

و حبيت أنقله للطلاب الي ظلموه في أشياء كثير

يمكن تتغير الصوره السلبيه في عقولهم عن الدكتور أحمد دبروم